Иван Михайлович Павлов 100 сыллаах юбилейыгар анаан, 100 хаартыскалаах өйдөбүнньүк выставка.

Аҕа дойду улуу сэриитин кыттыылааҕа, албан аат 3 степеннээх, аҕа дойду сэриитин 1 степеннээх орденнарын кавалера, Саха АССР оскуолаларын үтүөлээх учуутала, Чурапчы улууһун, Болугур, Чурапчы нэһилиэктэрин бочуоттаах гражданина, Саха Респубуликатын П.А.Ойуунускай аатынан государственнай бириэмийэ лауреата Иван Михайлович Павлов 1921 сылллаахха тохсунньу 31 күнүгэр Боотуруускай улуус бастакы Болугур нэһилиэгин Мария Федоровна, Михаил Григорьевич Павловтар дьиэ кэргэттэригэр күн сирин көрбүтэ.
Иван Михайлович 21 саастааҕар сэриигэ ыҥырыллан 1942 сылаахха бэс ыйын 20 күнүттэн Аҕа дойду Улуу сэриитигэр биһиги бүгүҥҥү дьоллоох олохпут туһугар уодаһыннаах өстөөҕү утары хорсуннук охсуспута, кырыыктаах кыргыһыыга кыттыыны ылбыта.
Иван Михайлович өлбүт буойуттар, сураҕа суох сүппүт саллааттар ааттарын үйэтитиигэ, кинилэр хорсун быһыыларын сырдатан, 43 киниигэ суруйбута. Сэрии уотун ортотугар сэриилэспит, этинэн-хаанынан сэрии алдьархайын билбит буолан, хас биирдии суруйар буойун-саллаат олоҕун ымпыгар-чымпыгар тиийэ үөрэтэн, дьон-сэргэ сүрэҕин сөҥөр гына суруйбута.
Тыл эттилэр: оскуола директора Гуляев Николай Николаевич, И.М.Павлов аатынан Чурапчытаа5ы орто оскуола директора Дьячковскай Михаил Владимирович, Чурапчы улууьун баьылыгын социальнай политика5а уонна олохтоох салайыныы боппуруостарга солбуйааччы Аммосов Николай Иннокентьевич, Иван Михайлович үөрэнэччитэ Монастырева Марфа Афанасьевна.
Тохсунньу 31 күнүттэн, ол эбэтэр Иван Михайлович төрөөбүт күнүттэн саҕалаан Чурапчы улууһа кыайыы күнэ буолуо 100 күн хаалбыт диэн марафон биллэрдэ, онно биһиги оскуола кыттыһан туран марафону саҕалыыбыт. Бу күнтэн ыла оскуолабытыгар, улууспутугар араас дьаһаллар ыытыллыахтара, бары көхтөөх кыттыыны ыларгытыгар ыҥырабыт.

Добавить комментарий