МУУС ЫЛЫЫТА

Сэтинньи 15 күнүгэр Д.П.Куоркун аатынан Чурапчытааҕы республиканскай спортивнай олимпийскай эрэллэри бэлэмниир орто оскуола-интернат эр дьоно уонна улахан кылаас уолаттара үгэскэ кубулуйбут “Муус-2023” күүстээх үлэҕэ туруннулар.

Даҕатан эттэххэ, биһиги оскуолаҕа Республика араас муннуктарыттан үөрэнэллэр. Бу тэрээһин  уолаттары үлэҕэ уһуйар, иитиигэ суолталаах буолар.

Быйылгы муус халыҥынан бастакы суоллааһыҥҥа, мууһу ылыыга уустук балаһыанньа үөскүү сырытта. Ону эрдээхтик үлэлээн сыл тахсар муус ылылынна. Манна буоларын курдук элбэх инструменнаах, уопуттаах муус ылааччы, иитээччи Марков Александр Егорович бэйэтин холобурунан көрдөрдө. Кэккэ сылларга инники күөҥҥэ сылдьар бригадир Гаврил Федорович Нохтунскай муус туруорарга туспа ньыманан инструмен оҥостон киирбитэ барыбытын сөхтөрдө.

Бары үлэттэн дуоһуйан, астынан, сылаас астаах остолобуойбутугар эбиэттээтилэр.