Олунньу 5 күнүгэр, үгэс буолбут “Аҕам уонна биһиги ” байыаннай эстафета буолла.

Сүрүн тэрийээччинэн-физкультура методическэй холбоһуга, «Көмүөл» аҕалар сүбэлэрэ, салайааччы П.Н.Егоров, сүрүн спонсорынан “Арчы” төрөппүт комитета, салайааччы У.Н.Иванова, НКО «Коркинец», О.Г.Кардашевская буоллулар.
Күрэх 4 түһүмэҕинэн илин-кэлин түсүһүүлээх, сытыы киирсиилээх буолла. Бастакы түһүмэххэ үрүкзээк сүгэһэрдээх ага бириэмэҕэ, Калашников автоматы ыста, хомуйда. Ол курдук 34 сөкүүндэнэн хомуйа тутан 6 б кылаас аҕата Александр Оконешников бастаата.
Иккис түһүмэххэ тоһоҕо саайыытыгар, сатабылларын туһанан 6 в кылаас хамаандата аҕа Алексей Филиппов, 49,66 сөкүүндэнэн, үһүөн тоһоҕону маска батары саайдылар.
Үһүс мэһэйдээх сүүрүү түһүмэҕэр, сымсаларын-түргэннэрин көрдөрөн 6 а кылаас хамаандата, 42,23 сокүүндэнэн кыайыы өрөгөйүн биллэ.
Төрдүс быһаарыылаах түһүмэххэ баскетбол мээчигин корзинаҕа таба быраҕан киллэриигэ, очколара тэҥнэһэн, биирдии снайперы дуэллаһыннаран, 6 а аҕата Алексей Кардашевскай кыайыыны кыл мүччү быһаарда, 7 б иккис миэстэнэн дуоһуйда.
Уопсай түмүккэ 16 очколаах 6 б хамаандата, үһүс миэстэни ылары ситистэ 11 очколаах 6 в хамаанда, иккис миэстэнэн дуоһуйда.
Маҥнайгы бириистээх миэстэҕэ 6 а хамаандата аҕа Алексей Кардашевскай кыайыы өрөгөйүн биллэ.
Бириистээх миэстэҕэ тиксибиттэр сыаналаах, сааскы булка аналлаах бириистэри туттулар.

Монастырев Николай Николаевич-социальнай педагог

Добавить комментарий