Балаҕан ыйын 17 күнэ. Бүгүн Аҕа дойду сэриитин уонна трудовой фонд кыттыылаахтарыгар аналлаах памятник үөрүүлээх арыллыыта буолан ааста.

Бу памятник аан бастаан 1965 сыллаахха 8-с кылаас үөрэнээччитэ Максимов Алексей эскиһинэн Кыайыы 20 сылыгар, Чурапчытааҕы педучилищеттан сэриигэ кыттыбыт, сэрииттэн төннүбэтэхтэргэ анаан арыллыбыта. 1970-с сылларга педучилищеттан сэрии кыттыылаахтарын ааттара эбиллибиттэрэ. Улуу кыайыы 50 сылыгар анаан Саха өрөспүүбүлүкэтин үтүөлээхх архитектора Лукин Иван Семенович оҥоһуутунан стелла эбиллибитэ.
Кэнники нэһилиэк депутата Рожин Александр Дмитриевич туруорсуутунан, нэһилиэги тупсарыы программатынан памятник саҥардыллан тутуллубута, ону тэҥэ Боотур уус стадиоҥҥа ветераннар стендэлэрэ ыйаммыта.

Добавить комментарий