Булт абылаҥа.

Булт абылаҥа.

Чурапчытааҕы республиканскай олимпийскэй эрэллэри бэлэмниир спортивнай оскуолаҕа быйыл Аҕа сэбиэтин үлэтин сөргүтэр, сэргэхситэр үлэ ыытылынна. Ол курдук Александр Олегович Иванов салайааччылаах аҕалар саҥа састааптара талылынна. Бастакы тэрээһининэн «Булт абылаҥа» диэн түөрт түһүмэхтээх 8-9,10-11 кылаас уолаттарыгар аналлаах дьаһал 24.04.24 ыытылынна.

Үстүү киһилээх кылаастар хамаандалара Спортивнай саалаҕа киэһэлик үрдүкү кылаас уолаттара муһуннулар.

Бастакы түһүмэх булт ньымаларыгар аналлаах 10 боппуруостаах викторина буолла.
10-11 кылаас уолаттарыгар – 11 а, 8-9 кылаас уолаттарыгар – 8 б кылаас хамаандата уһулуччу билиилээхтэрин көодөрдүлэр.
Уопсай түһүмэхтэр түмүктэринэн 8-9 кылаастарга 9а -1 миэстэ, 8в-2 миэстэ, 8б-3 миэстэ буолан үөрдүлэр көттүлэр.

10-11 кылаас уолаттарын хамаандаларын икки ардыларыгар сымса, түргэн хамсаныылары көрдөрөн 10а -1 миэстэ, 11 а-2 миэстэ, 10в – 3 бириистээх миэстэлэргэ тиксэн сыаналаах бэлэхтэри туттулар.

Спонсордарынан буоллулар: Оскуола эр дьоно. Биирдиилээн урбаанньыттар Пестерев В.Н., Егоров А.Г., Ефремов А.А.

Спонсордарбытыгар кыттыбыт оҕолор ааттарыттан барҕа махтал.

Н.Монастырев соц.педагог.