ДЬӨҺӨГӨЙ ОҔОТУН МИИНЭММИН

Ыам ыйын 8 күнүгэр, Аҕа дойду сэриитин улуу кыайыытын уонна республикаҕа оҕо аймах чэрчитинэн ОЭБЧРОИО иһинэн үлэлиир Аҕа уонна Эр дьон түмсүүтүн көҕүлээһининэн, Эбэ сыырын хааһыгар аты сылгыны, киниэхэ туттуллар ыҥыыр, үүн туһунан көрдөрөн быһааран кэпсээтэ бу оскуола социальнай педагога Н.Н.Монастырев.

Атын сэбиргэллэри миинэн кэлэн бу оскуола Фиэкультураҕа учуутала Н.И.Захаров көрдөрдө, уолаттарга мииннэрдэ.
Салгыы ыҥыыр, үүн, бото сүгүүлээх 60 метрэ дистанцияҕа күрэхтэһии ыытылынна, 11 уол суруттаран илин кэлин түһүстүлэр. Күүрүүлээх күрэх түмүгүнэн быһый уолаттар билиннилэр.11 кылаас үөрэнээччитэ Оконешников Ариан 8 сөк.43.бириэмэни көрдөрөн 3 бириистээх миэстэҕэ таҕыста. Түргэн тэтимин ыһыктыбакка 10б кылаас боотура Вася Никонов 8 сөк.29 бириэмэни көрдөрөн 2 миэстэҕэ үктэннэ. Күлүмэх сүүрүүнү, сымса хамсаныыны көрдөрөн 11 а кылаас боотура Кондратьев Арсен 7 сөк.90 түмүктээн бастакы үктэлгэ таҕыста.

Бары Аҕа түмсүүтэ сал.А.О.Иванов туруорбут сыаналаах,туһалаах бириистэрин тутан үөрдүлэр.

Иккис түһүмэҕинэн уол оҕо сиргэ сылдьар сатабылын, мындырын көрдөрөр Уот оттуута, чэй өрүүтэ буолла. Бу түһүмэҕи сүүрүү отделениетын тренерэ Саха Өрөспүүбүлүкэтин үтүөлээх тренерэ, сорсуннаах булчут, республика булчуттарын күрэҕин 2 төгүллээх кыайыылааҕа Г.Ф.Нохтунскай иилээн-саҕалаан ыытта.
Күүтүүлээх, кэтэһиилээх күрэхтэһии манна буолла. Уолаттар 9 буолан суруттардылар. Орто сүһүөх кылаас оҕолоро харса суох кытыннылар. Күрэхтэһээччи үстүү чуурка мастан, биэдэрэлээх уу, сүгэ, быһах, оллоон уонна саһаҕаны бэйэтэ толкуйдаан кыспа оҥостон уот ылар мөккүөрүгэр сырыттылар. Ол курдук сыралаах,мындырдаах күрэххэ 31 мүн.23сөк.түмүктээн биэдэрэлээх уутун куобахтатан 7а кылаас эдэр боотура Саввин Роберт тигистэ. 2 бириистээх миэстэҕэ 27 мүн.08 сөк.чэйин оргутан тыаҕа сылдьа үөрүйэх Охлопков Харысхал биэтэккэ таҕыста. Күрэх арыйыытынан буолла 21мүн.38 сөкүүндэ иһинэн биэдэрэлээх уутун төлө тэптэрбит Колодезников Толя, 8 кыл.мындыр боотур буоларын көрдөрдө.

Аҕа, оскуола эр дьонун актива туруорбут сэмэй бэлэхтэрин тутан Уолаттар үөрүү өрөгөйүн биллилэр, тымныы тыаллыын эрийсэн буһуу-хатыы абылаҥыгар куустардылар.

Физруктар Мо лара сүүрэн көтөн тэрийсэн күүс көмө буоллулар салайааччы С.Колодезниковка махталбытын тиэрдэбит.