Саҥа эйгэ сандаарда!
Сэтинньи 14 күнүгэр алын кылаас учууталларын көҕүлээһининэн оскуолабытыгар аныгылыы, саҥа, тупсаҕай көстүүлээх, оҕолорбут туһалаахтык сынньанар, эбии үөрэхтээһиҥ кружоктарыгар, араас дьаһаллар ыытыллар эйгэлэрин үөрүүлээх арыллыытына буолан ааста.
Чэбдик салгыннаах сырдык күммүт күндээрбитинэн!
Ыраас хаар үллүктээх кырыа кыһын салаллыбыт кэминэн!
Аныгы сайдыылаах кэмҥэ
Саҥа үйэ ирдэбилинэн
Элбэҕи, үйэлээҕи эрэннэрэр
Саҥа эйгэ сандаарда!
“Аалай лиэнтэни” кылаастар активтара – Овусу Маркус 2 кылаас, Сивцева Мичийэ 3б кылаас, Кузьмина Инара 4 кылаас, оскуола директораСтанислав Афанасьевич Захаров, алын кылаастар учууталларын холбоһуктарын салайааччытыгар Евдокия Климовна Сысолятина үөрүүлээхтик быстылар. Сахалыы алгыс тылын анаата оскуолабыт социальнай педагога Никокай Николаевич Монастырев уонна алын кылаас учууталлара ыҥырыылаах ыалдьыттары, оҕолору арыылаах алаадьынан күндүлээтилэр.
Оскуола директора Станислав Афанасьевич Захаров, директоры научнай үлэҕэ солбуйааччы Анна Николаевна Гуляева эҕэрдэ тылларын эттилэруонна фойе өссө киэркэйэн, тупсан, сайдан иһэригэр, учууталларга, үөрэнээччилэргэ ситиһиилэри баҕардылар уонна күүс-көмө буолуохпут диэн баҕа санааларын эттилэр.Үөрэнээччилэр ааттарыттан бэйэтин ырыатынан эҕэрдэлээтэ республикатааҕы “Таланты Земли Олонхо” 1 үрдэл кыайыылааҕа 4 кылаас үөрэнээччитэ – Дима Хоютанов.
Түгэнинэн туһанан сэтинньи 6 күнүгэр ыытыллыбыт улуустааҕы “В здоровом теле – здоровый дух” спортивнай күрэхтэһии кыайыылаахтарын эҕэрдэлээһин буолла.
1 хамаанда:
“Веселые старты” – 1м.
“Встречная эстафета” – 2м.
Уопсай түмүккэ – 1м.
Захарова Лена – 60м – 1м, сакалкаҕа 2м, уһуну ыстаныыга 3м
Катакинова Ева – скакалкаҕа – 1м.
Сыроватская Айыллаана – 60м – 1м
Кузьмина Инара
Местникова Алеся
Холмогоров Данил – скакалкаҕа 1м.
Аржаков Миша – уһуну ыстаныыга 2м.
Осипов Ньургун
Давыдов Ньургун
Афанасьев Эрчим
2 хамаанда:
“Веселые старты” – 3 м.
Михлеева Баина – 60м 3 миэстэ
Тимофеева Кира
Павлуцкая Диана
Егорова Наташа
Приходько Ванесса
Гурьев Павлик
Ноев Байсар
Ефремов Арыйаан
Филиппов Максим
Иванов Арчын – 60м сүүрүүгэ 1м.
Красноярскай куоракка ыытыллыбыт “Первенство Дальневосточного федерального округа по стоклеточным шашкам” ситиһиилээх кыттан кэлбит 4 кылаас дуобатчыттара Охлопкова Алеся, Слепцова Айыына, Седалищев Егор, Федотова Ньургуһун 3б кылаас чаҕылхай кыайыыларынан чиэстэннилэр уонна өссө үчүгэйдик дьарыктанан үгүс кыайыыларгабаҕардылар!
Оҕолор саҥа кэрэ эйгэлэрэ мэлдьи ыраас, сырдык турарыгар, хайдах сыһыаннаһыахтаахтарын, көрүөхтээхтэрин-истиэхтээхтэрин туһунан “Көрөбүт-истэбит, ыраастык тутабыт, харыстыыбыт!” диэн андаҕар тылларын эттилэр.
Алын кылаас холбоһуга оскуола администрациятыгар, көмөлөспүт труд учууталыгар Диодоров Алексей Валерьевичка, үлэһит Ющенко Афанасий Дмитриевичка, көмөлөспүт бары коллегаларга истиҥ махталларын эттилэр, үлэлэригэр ситиһиилэри баҕардылар.
Бу сылаас, сырдык кыһаҕа
Биһиги эдэр кэскиллэрбит
Кэрэхсэнэр кэрэ ыччаттарбыт
Кыһаллан туран үөрэниэххит!
Үрдүккэ, сырдыкка талаһан
Үүнэн, үрдээн иһиҥ,
Үгүһү айа тутуҥ,
Үтүө дьон буолуҥ диэн оҕолорго баҕа санааларын эттилэр.
Алын сүһүөх учууталларын холбоһугун салайааччыта:
Сысолятина Е.К.
