«Аҕа уолунаан» диэн үгэскэ кубулуйбут военизированнай эстафета буолла.

Аҕа уолунаан военизированнай эстафета.

  Спортивнай саалаҕа, кулун тутар 5 күнүгэр «Аҕа уолунаан» диэн үгэскэ кубулуйбут военизированнай эстафета буолла.

   Тэрийээччинэн уонна спонсорынан буоллулар: “Добун” маҕаһыын Матвеев А.А., “Саарба” маҕаһыын Егоров А.Г., “Үрдэл” маҕаһыын Ефремов А.А., Чурапчы спорт комитетын начальнига Егоров Дь.В. уонна оскуола иһинэн тэриллэн үлэлиир “Аҕа сүбэтэ”

общественнай түмсүү-салайааччы Иванов Александр Олегович. Күрэх кыттааччыларынан

5, 6, 7 кылаас уолаттара уонна аҕалар буоллулар.

   Күрэхтэһии үөрүүлээхтик арыллыытыгар Аҕалар хамсааһыннарын тэрийсибит, уһуннук үлэлэспит коллегаларбытыгар Нохтунскай Г.Ф., Аржаков Е.Д., Монастырев Н.Н. уонна Егоров П.Н. Республикатааҕы Аҕалар лигаларын общественнай түмсүү салайааччыта Айхал Габышев олохтообут «Дьиэ кэргэн сыла 2024» диэн знагы туттартаатылар, ситиһиилээх үлэни баҕардылар.

   Күрэхтэһиибит  4 түһүмэхтээх.

1 түһүмэххэ 100 метрэни сүүрэн кэлэн баран аҕалар АК автоматы бириэмэҕэ ыһаллар, хомуйаллар.

2 түһүмэххэ тоһоҕону маска саайыы.

3 түһүмэх мэһэйдээх эстафета.

4 түһүмэх баскетбол мээчигин корзинаҕа таба быраҕыы, хамаанда очкота сууммаланар.

Кылаабынай судьуйанан П.Н.Егоров үлэлээтэ. 4 көрүҥҥэ тыҥааһыннаах күрэх кыайыылаахтары быһаарда.

3 бириистээх миэстэни 5 а кылаас, аҕа Константинов Г.А уола Даниэль, Мирон Л.

2 бириистээх миэстэни 6 а кылаас, аҕа Скрябин В.С. уолаттарынаан ыллылар.

Күрэх муҥутуур кыайыылааҕынан туйгун бириэмэни көрдөрөннөр 7 а кылаас, аҕа Аржаков А.Е., Борисов Вова, Андреев Урсун буоллулар.

Күрэх сылын аайы ыытыллар, бириистэрэ тупсан иһэллэр.

Тэрээһиҥҥэ кыттыспыт спонсордарбытыгар, тэрийсибит коллегаларбытыгар, күрэхтэспит

кылаас коллективтарыгар «Аҕалар сүбэлэрин» аатыттан махталбытын биллэрэбит.