“Көрдөөх дьиэ кэргэн”

      

Оскуолабыт выпускницата , биэс  сыл  олус үчүгэйдик  төрөппүт комитетын салайан , элбэх араас  өрүттээх  үлэни ыыппыт, бастыҥ общественница, Спортивнай ТОС председателин солбуйааччы Корякина Александрия Егоровна сырдык аатын  үйэтитэр   “Көрдөөх дьиэ кэргэн”  эстафета  быйыл 6 төгүлүн  ыытыллынна. Күрэхтэһиигэ барыта 10 дьиэ кэргэн  кыттынна.  Ол курдук  быйыл бастакытын     С.А. Новгородов аатынан Чурапчытааҕы орто оскуолатын   4 кылааһын   үөрэнээччитэ Уля  , Михаил Михайлович, Акулина Михайловна Степановтар уонна  И.М.Павлов аатын сүгэр  орто оскуолаттан    Алена Юрьевна, Гаврил Гаврильевич  , Дамир  Бурцевтар  кэлэн кыттыбыттара олус кэрэхсэбиллээх буолла. Онтон  бэйэбит оскуолабытыттан   1 А кылаас хамаандата  Скрябиннар  уонна  Филатовтар дьиэ кэргэттэрэ,  1 Б кылаастан  Кривошапкиннар дьиэ кэргэн, 2 кылаас аатын көмүскээтилэр  Филипповтар уонна Аржаковтар дьиэ кэргэттэрэ, 3 кылаастан  Березкиннар дьиэ кэргэттэрэ , 4 кылаастартан  Барашковтар уонна  Ущницкайдар дьиэ кэргэттэрэ кыттан  күрэхтэһиини сытыырҕаттылар.

          Бу эстафета Александрия Егоровна идеятынан 2014 сылтан саҕаламмыта. Маннык дьиэ кэргэни  түмэр күрэхтэһиини  Александрия Егоровна сырдык аатыгар аныаххайын  диэн  кини бииргэ үөрэммит истиҥ дьүөгэлэриттэн Седалищева А.Г,Кириллина    В.Е.  киирбитэ. Күрэхтэһии спонсардарынан буолаллар Александрия Егоровна күн күбэй  ийэтэ Мария Ивановна Габышева, дьүөгэлэрэ, “Спортивнай”   ТОС салайааччыта Рожин А.Д, оскуола төрөппүттэрин комитета председатель Иванова У.Н., Чурапчы нэһилиэгин дьаһалтата, баһылык Сивцев В.Д.

Күрэхтэһии аһыллыытыгар спонсардар бары кытыыны ыллылар.Кыттыылаахтар     бырааттыылар   Артем, Богдан Гуменюктар ” Мама”   диэн  ырыаны ыллаабыттаран  долгуйа  иһиттилэр. Сыралаах күрэхтэһии, илин-кэлин түсүһүү кэнниттэн  түмүккэ  1 миэстэни Аржаковтар, 2 миэстэни Барашковтар, 3 миэстэни  Ущницкайдар ,онтон атын хамаандалар  анал  ааттары уонна сыаналаах бэлэхтэри   ылан үөрэ –көтө тарҕастылар.  

Добавить комментарий