XIX ӨРӨСПҮҮБҮЛҮКЭТЭЭҔИ «КӨТҮӨХХЭ ҮРДҮККЭ ХОТОЙДУУ» УОЛАННАР ААҔЫЫЛАРЫН УЛУУСТААҔЫ ТҮҺҮМЭХ

XIX ӨРӨСПҮҮБҮЛҮКЭТЭЭҔИ «КӨТҮӨХХЭ ҮРДҮККЭ ХОТОЙДУУ» УОЛАННАР ААҔЫЫЛАРЫН УЛУУСТААҔЫ ТҮҺҮМЭХ Арассыыйаҕа Дьиэ кэргэн, Саха Өрөспүүбүлүкэтигэр Оҕо саас, Саха сиригэр Пионерскай тэрилтэ 100 сылыгар, Чурапчы улууһугар Ыал саргытын сылларыгар аналлаах XIX өрөспүүбүлүкэтээҕи «Көтүөххэ үрдүккэ хотойдуу» уоланнар ааҕыыларын улуустааҕы түһүмэххэ барыта 101 уол кытынна.

Уоланнар ааҕыылара “Боотур Уус сыдьааннара” муниципальнай бырагыраамма иһинэн ыытылынна. Манна кыттыыны ыллылар маннык оскуолалар: Д.П. Коркин аатынан ЧРСОЭИО, С.К. Макаров аатынан ЧГ, И. Федосеев – Доосо аатынан Дириҥ АОО, Төлөй ОО уонна И.М. Павлов аатынан ЧОО.

XIX өрөспүүбүлүкэтээҕи «Көтүөххэ үрдүккэ хотойдуу» уоланнар ааҕыыларын улуустааҕы түһүмэх Тойон Сүбэ састааба:

1. Васильев Иван Гаврильевич – Тойон Сүбэ бэрэссэдээтэлэ, И.М. Павлов аатынан Чурапчы орто оскуолатын директора.

2. Иванов Александр Олегович – Чурапчы өрөспүүбүлүкэтээҕи спортивнай эрэллэри бэлэмниир орто интэринээт-оскуола директоры спортивнай үлэҕэ солбуйааччыта, хапсаҕайга Саха сирин спордун маастара, көҥүл тустууга аан дойду маастара.

3. Монастырев Николай Николаевич – Чурапчы өрөспүүбүлүкэтээҕи спортивнай эрэллэри бэлэмниир орто интэринээт-оскуола социальнай педагога, Саха Өрөспүүбүлүкэтин үөрэҕириитин туйгуна.

4. Соловьев Петр Петрович – ЧГИФКИС студенческай Сэбиэтин бэрэссэдээтэлэ, бүтүн Арассыыйатааҕы студенческай этэрээт чилиэнэ, көҥүл тустууга Чурапчы улууһун сүүмэрдэммит хамаандатын чилиэнэ.

5. Смирников Тимур Семенович – Бүтүн Россиятааҕы ыччат уонна оҕо хамсааһынын «Бастыҥнар хамсааһыннара” Чурапчы улууһугар бэрэссэдээтэлэ.

Гран-при үрдүк аатын ” Алаас ахтылҕаннаах Сэмэн Тумат” диэн уус-уран дьүһүйүүнэн С.К. Макаров аатынан ЧГ “Өркөн” бөлөх ылла. Салайааччы Ф.Н. Болдовская “Бастыҥ салайааччы” анал аатынан наҕараадаланна уонна бөлөххө “Стайер” маҕаһыыҥҥа 10.000 солк. суумалаах сертификат туттарылынна.

Лауреат ааттарын ыллылар: “Төлөй уоланнара” (Төлөй ОО. Сал. Е.Е. Попова, В.Н. Абрамова), “Ураанай Боотурдара” (Сылаҥ ОО. Сал. Л.С. Сивцева ). Бу бөлөхтөртөн Игнатьев Коля, 10 кылаас (С.К. Макаров аатынан ЧГ), Попов Валера, 11 кылаас (Төлөй ОО), Пудов Алеша, 7 кылаас (Сылаҥ ОО), “Бастыҥ ааҕааччы” анал аатын ылан, мэтээл кэттилэр. Алтынньы ыйга XIX өрөспүүбүлүкэтээҕи «Көтүөххэ үрдүккэ хотойдуу» уоланнар ааҕыыларын өрөспүүбүлүкэтээҕи түһүмэххэ Чурапчы улууһун аатыттан кыттыахтара. I степеннээх дипломаннар: С.К. Макаров аатынан Чурапчы гимназията (сал. Ф.Н. Болдовская), Д.П. Коркин аатынан ЧРСОЭИО 11Б кылаас (Сал. Т.И. Ноговицына). II степеннээх дипломаннар: Д.П. Коркин аатынан ЧРСОЭИО 10 А кылаас (Сал. Н.П. Назарова), И.Федосеев – Доосо аатынан Дириҥ АОО (сал. Л.А. Осипова) III степеннээх дипломаннар: Д.П. Коркин аатынан ЧРСОЭИО 6 Б кылаас (Сал. А.С. Фомин, А.П. Калачева), И.М. Павлов аатынан Чурапчы ОО (сал. П.А. Матвеева) Анал ааттар: “Дойдунаат” – С.К. Макаров аатынан ЧГ 7 кылаас уоланнара (сал. С.Н. Гоголева), “Бастыҥ дебют” – Д.П. Коркин аатынан ЧРСОЭИО 7 Б кылаас (сал. С.С. Кривошапкина, В.Д. Павлова)